Мектеп туралы

Тұтқабай Әшімбаев атындағы №11 лицей ұжымы Ұлы Жеңістің 80 жылдығына орай ұйымдастырылған «Ерлік ұмытылмайды! Мәңгілік тағзым!» атты патриоттық флешмоб байқауына қатысып, зор жетістікке жетті.

Іс-шараны «Қазақстандық оқу-ағарту, ғылым және жоғары білім қызметкерлерінің салалық кәсіптік одағының Маңғыстау облыстық ұйымы» қоғамдық бірлестігінің Ақтау қалалық филиалы ұйымдастырған болатын. Байқауға қатысқан №11 лицей ұжымы аудандық кезеңде ерекше белсенділік танытып, бірінші орынды иеленіп, облыстық кезеңге жолдама алды.

Облыстық деңгейде де лицей оқушылары мен ұстаздары жоғары дайындықтарын көрсетіп, тағы да I орынға ие болды. Бұл жеңіс – тек білім ордасының емес, жалпы қала намысын абыроймен қорғаған ұжымның бірлігі мен шығармашылығын дәлелдеді.